Во строгиот центар на Широк Сокак, во срцето на Битола, одма до Католичката црква се наоѓа кафе бар каде, веќе повеќе од една цела деценија одат на кафе и пијалок најградските битолчани, бар кој некогаш “на времето” во стара Битола, бил мини-стоковна куќа…


Стоковната на трговецот Славко Патче….


Објектот бил дел од една голема целина и заедно со сите објекти во таа редица во тоа време биле правени од Французите, самите визби и подруми биле меѓусебно поврзани еден со друг, како еден вид на тунели и скривалишта со што од секој објект можело незабележано да се стигне до сегашниот дел на Магнолија.

BITOLA TOUR GUIDE / ПРЕВЗЕМЕТЕ ТУКА _____________________________________________________________________________________


Семејството на Патчеви било една поголема фамилија која првобитно живеела во близина кај Старата болница и со купувањето на куќата од Турчин се преселуваат на Широк Сокак. Славко Патче бил голем еснаф и боем, типичен градски битолчанец,
посветен на фамилијата-
прав домаќин…


Патче едниот дел од куќата го направил да биде мини стоковна куќа, додека во другиот живеел со својата фамилија.
Во стоковната куќа имало се и сешто од игла до локомотива, секакви облеки ала-турка, ала-франга, предмети за домаќинство, зидни и рачни часовници, радија и мн.други работи.
Се продавало и злато кое тогаш било многу барано и користено од богатите битолчани и конзули од тоа време.
Стоковната куќа успешно работела за време и на Втората светска војна, послем која објектот од страна на државата се национализира и дури сега пред некоја година му се враќа на наследниците.


За време на војната еден период во неа бил криен големиот Стив Наумов од германската војска, на кој и му било помагано од газда Славко и за спомен му доделил и едно радио од неговата стоковна куќа…


После војната и покрај помагањето на партизаните Славко завршува девет месеци во битолскиот затвор, како наводен воен профитер и богаташ, каде бил измачуван со цел да го каже каде се наоѓа целото негово богатство.


Целокупните архивски снимки, фотографии и документи се уништени од страна на службите со цел од нив повеќе трага да нема.
Славко Патче од еден некогашен успешен и богат трговец, станува обичен работник кој се вработува во Кожарата и покрај сето тоа што му се случи, се посветува на остатокот од животот и неговата фамилија, до крајот води еден нормален и достоинствен живот се до 1980 год. кога умира во Битола.


Повеќето битолчани последно ја паметат како канцеларии на ЗИК Пелагонија и како берберница за времето на социјализмот.
Со приказната му оддаваме една голема почит кон него и неговата фамилија, за неговите големи непризнаени дела, за зачувувањето и одржувањето на еден дел од Широк Сокак….
т.н. стоковна куќа на Славко Патче,
во срцето на Битола, Бабам Битола…

Врати порака

Please enter your comment!
Please enter your name here