Снежана Јанкулова е една искучителна жена. Човек со ретки квалитети, а некои од вештините кои ги поседува се вистински куриозитет.
Таа е долгогодишен уметник ракотворец. Нејзините ракотворби се едни од најубавите со голема уметничка вредност.
Дека е тоа така кажува и нејзината приказна која ќе ви ја раскаже додека ве подучува во тајните на изработка на накит или везови во нејзиниот прекрасен двор.
Исклучителни и уникатни парчиња накит, дел од нејзиното драгоцено време и внимание. Дел од нејзината борба за сурова егзистенција и многубројни парчиња од малку радост за добивање на мозаик од целокупната хармонија кој еден уметник, една жена борец со големо достоинство ја заслужува.
Како дел од нејзината приказна и фамилија е нејзиниот тетин Стефан Матиќ, гимназијалец кој на кобниот 11 Март 1943 г. го спасува својот другар евреинот Фела, за потоа заедно да пребегнат во партизани…
И дедо Борис, кој бил роден во турско, загубен во шумата успева да се спаси кога неговото семејство бегало пред османлиите… Тој истиот дедо Борис на младост заминува во Канада и животот го става во истот друштво со познатиот Ал Капоне… Вреди да се чуе нели?
Приказната на Снежана е дел од проектот “Раскажија својата приказна”
