Македонија има голман од светска класа кој руши рекорд по рекорд сезонава. Репрезентативецот Никола Митревски веќе два месеци нема рамен на себе во регионот, а и во Европа малкумина можат да се пофалат со неговите бројки и континуитет.

Чуварот на мрежата на Еурофарм Работник е најдобар голман за октомври во регионалната СЕХА лига. Битолчанецот собра вкупно 48 интервенции во регионалната лига во овој месец и избран е за најдобар голман.

Митревски беше најдобар и во септември во ова натпреварување, а во Лигата на шампионите имаше одбрана на третото коло, откако чудесно одбрани двоен зицер во поразот на Еурофарм Работник во Ирун.

Митревски е поштеден од ЕХФ-неделата и пријателските натпревари на Македонија, но по квалитетот и формата сигурно ќе биде дел од Европското првенство и веројатно прв наш избор меѓу стативите.

Извор Гол.мк