Германската компанија за производство на кабли во автомобилската индустрија, Кромберг & Шуберт ДООЕЛ Битола, по трет паторганизира отворен ден, овојпат со обезбеден превоз до фабриката за граѓаните од Битола, Ресен и Демир Хисар. Во продолжение следува известувањето за отворениот ден од страна на компанијата Кромберг & Шуберт.

„Почитувани сограѓани, ве известуваме дека Кромберг & Шуберт Македонија Дооел Битола организира отворен ден за сите кои сакаат да се запознаат со начинот на работа во компанијата.

За таа цел во петок, 23.03.2018 година сите заинтересирани ќе имаат можност да ја посетат фабриката и да се запознаат со процесите и работните места за време на прошетката која ќе биде спроведена од страна на претставници на компанијата.

Превозот за граѓаните на Ресен и Демир Хисар ќе биде организиран со тргнување од постојката кај „Новиот пазар“ во Ресен и кај Автобуската станица во Демир Хисар, додека за Битола останува постојката кај Ракометното игралиште во 9:30 часот за сите постојки во соработка со компанијата МиГ Травел од Битола. Автобусите ќе бидат обележани со посебни натписи на кои ќе биде наведена намената на превозот.

Веќе шест години по ред оваа компанија гради една поинаква приказна и придонесува за стабилноста на повеќе од 6000 семејства во Пелагонискиот регион. Нашата цел е да бидеме најголеми и најдобри со 7000 задоволни вработени.

Повелете, бидете наши гости и запознајте нé подобро !

Да, знаеме дека за нас се зборува многу но не верувајте во сѐ што ќе чуете – дојдете и сами уверете се во работната атмосфера која владее во компанијата како и во условите кои ги нудиме.

Напомена: Ние ќе растеме и ќе нудиме можности за вработување до септември 2018 година заради што сакаме да ги избереме најдобрите да се приклучат на нашето големо семејство сега, кога за тоа има шанси.

Бидејќи компанијата ќе го достигне својот максимален капацитет и повеќе нема да растеме, веќе кон крајот на оваа година можностите за вработување ќе бидат ограничени бидејќи ќе се фокусираме на консолидација на тимовите.

Времето да се приклучите на нашиот тим е ограничено! Инвестирајте во својата иднина сега – одберете интернационална компанија со повеќе од стогодишна традиција и знаење, и тоа, овде во Битола. Интернационално – а наше.

Петок, 23.03.2018 во 9:30ч кај „Ракометно“ – Битола, „Нов Пазар“ – Ресен и Автобуска станица – Демир Хисар. Ве очекуваме.”